dökmek

işlik

1) Bir zady bir ýere guýmak, agdarmak.

∙ Üstüne çaý dökermi, suwa ýykylarmy, garaz bilemok. («Sowet edebiýaty» žurnaly)

2) Saçmak, ýaýratmak, örtmek.

∙ Günüň joşgunly çogy bütin gözýetime kümüş nuruny heniz bolluk bilen dökýärdi. (B. Kerbabaýew, Aýsoltan)

3) Sepmek, pytratmak, dargatmak, ýaýratmak.

∙ Mahmal ýaly mylaýym meýdanda seýalkalar hatara tohum dökýärdi. (B. Kerbabaýew, Aýsoltan)

4) Silkip gabyň içindäkini aýyrmak, boşatmak.

∙ Ol bugdaýly çuwaly göterip, gapanda çekip, ammara dökerdi. (A. Durdyýew, Saýlanan eserler)

∙ Şol duran haltany döküp getir!

5) Bir zadyň içini barlamak, bir zat agtarmak, gözlemek.

∙ Içerini döküp çykmak.

6) Deşilenligi ýa-da zaýalananlygy zerarly akmak, suwuklyk goýbermek.

∙ Çelek birneme dökýär.

7) Akdyrmak, saçmak (ýaş, gan hakda).

Ýazuw düzgüni: Ýöňkeme bilen üýtgände ikinji bogunda ü eşidilen ýerinde ýazylýar.

Meselem dökmek - dökdüm, dökdüň, döküpdir.

◊ ajy der dökmek — seret der

∙ Bu teklip dogaly bäri ajy der dökmedik adamy ör-gökden getirer.

◊ gan dökmek — seret gan

◊ göz ýaş dökmek — seret göz

◊ iç dökmek — seret iç

◊ ýüregiňi dökmek — seret iç dökmek

∙ Ol başyny aşak salyp, ýüregini dökdi. (Aýbek, Nowaýy)